29/8/07

FESTAS EN VILAESCURA




A parroquia de Santa María de Vilaescura fetexará a sua patrona coincidindo co primerio fin de semana de Setembro como é habitual.

As festas de Vilaescura que poucos anos quedaron sen celebrar, sempre se caracterizaron por un programa moi variado. Lembremos que nos anos 60-70 se celebraban concurridas competicions de "tiro o prato", e nos oitenta e noventa foi habitual facer un concurso de "mises" ou encontros de futbol entre equipos da parroquia amais doutras novedosas actividades.

Para o presente ano os organizadores teñen preparada unha verbena con orquestra para o venrres 31 de Agosto. Xa o sabado 1 de Setembro haberá pasasuas, misa con procesión, sesión vermú e baile de tarde e noite coa orquestra "DINASTIA". O Domingo 2, os actos seran similares o día anterior pero amenizados por outro grupo musical.






Nota.- As fotos foron sacadas da páxina http://www.jrcasan.com/ e foron feitas por Carlos Rueda.

27/8/07

A "PULGUIÑA" DOS CARBALLOS AFECTA MOI SERIAMENTE O CONCELLO DE SOBER


A «Altica quercetorum», coñecida como "pulguiña dos carballos", está a fectar moi seriamente a masa arborada do Concello de Sober.
Esta praga que está afectando os carballos do Concello de Sober e doutros limítrofes dende fai tres anos parece que nas últimas semanas se esta agudizando. Curiosamente as parroquias centrais do concello xunto cas próximas ao curso do Cabe estan moito máis afectadas cas parroquias das ribeiras do Sil.
En concreto Anllo Santo Estevo, Anllo San Martiño, Vilaescura, Proendos, Arroxo, Millan, Refoxo, Liñaran ou Gundivós son parrouias que dende o veciño concello de Pantón se ven caseque afectadas no 100 % da sua superficie de carballos. Ao tempo na última semana parece que a praga está a extenderse.
Fai quince anos que esta praga fixo acto de presencia e naquel entón a denoiminada Consellería de Agsricultura, Gandeiria e Montes, declarou oficialmente a praga como tal. Hai publiocadas no DOGA ordes de 22 de Maio de 1992 e 8 de Febreiro de 1993. Ao tempo a Consellería procedeu o fumigado das zonas máis afectadas e a praga nopn voltou a facer acto de presencia ata fai 3 ou 4 anos.
Así as cousas parece o máis lóxico voltar a tomar unha medida similar. O certo é que máis dun carballo afectado en duas ou tres tempadas acaba por morrer.
Certamente parecenos moi serio para o concello de Sober este ataque de "pulguiña do carballo", e esperamos que non exista ningún tipo de polémica, nin fronte política averta e que os beneficiados sexan preferentemente os nosos carballos; así sairemos gañando todos.
O Concello de Sober solicitou das Consellerías de Medio Rural e Medio Ambiente axuda para combater e praga e o BNG de Sober apoiou publicamente a decisión.
Parecenos moi positivo este acordo por Sober.

24/8/07

ASAMBLEA DOS CAZADORES DE SOBER


A Asociación de Cazadores de Sober, hoxe denominado TECOR de Sober, celebrará Asamblea Xeral Extraordinaria o sábado día 21 ás 9 da noite en primeira convocatoria e as 9,30 en segunda no Centro Sociocultural de Sober.

Os cazadores en primeiro lugar seran informados de diversos asuntos por parte do presidente Juan Pérez, logo falarase da situación actual do coto local,a mcontinuación farase unha planificación da nova tempada e por ultimo haberá os habituais pregos e inqueritos.

23/8/07

ROMERIA DE SAN VITOIRO NAS PENAS


No entorno da Capela de San Marcos no lugar que coñecemos por As Penas, os veciños de Arxemil (San Martiño de Anllo) e Camilo (Bolmente), festexaran un ano máis a San Vitoiro cunha fermosa festa-romería coincidindo co cuarto fin de seman de Agosto.

Neste caso os días 25 e 26 . Haberá Misas con procesión, sesión vermú e fogos artificiais.

As orquestras AZALEA eNEVADA serán as encargadas dos bailes de tarde e noita das duas xornadas.


Esta romería acadou moita soa na comarca fai unhas decadas e centos de romeiros se desprazaban a comer nos prados e carballeiras do entorno da capela.

Nos anos 80 houbo moi imortantes actuacións que congregaron a milleiros de persoas de toda a comarca e comarcas veciñas; lembremos as actuación de Ana Kiro ou Farruco entre outras.

O VENRES 24 PODERASE DOAR SANGUE EN SOBER



A unidade mobil do Centro de Transfusión de Galicia, pertencente Servicio Galego de Saúde desprazarase a Sober o Venres 24 de 7 a 9 da tarde para recibir a voluntarios doantes de sangue.
A unidade instalarase na praza do concello.
Tódalas persoas do concello que doaron noutras ocasións foron xa citadas polo Centro de Transfusión de Galicia. Nesta ocasión esperase que xente que está estos dias pasando as súas vacacións no concello poda aproximarse a capitalidade municipal para facer tamen a sua solidaria doazón.

21/8/07

NOVA EDICION DOS "ENCONTROS MUSICAIS"




No ano 1999 iniciuose en Sober o que se denominou "Encontros musicais na Ribeira Sacra", tendo como obxetivo facer tódolos anos coincidinco co penultimo venres do mes de Agosto un encontro de grupos musicais e musicos solistas, principalmente do entorno. Na primeira edición fixose un homenaxe a orquestra "La Soberana", coa presenza de tódolos musicos vivos das primeiras étapas da orquestra e a actuación entre outros da orquestra "Soberana" que se habia formada a finais dos 90. Lembro que entre os asistentes homenaxeados estaban "O Manache" ou "O Hito do Carpante", hoxe xa desaparecidos; ¡unha verdadeira magoa!.



Ésta actividade nacia como unha festa de homenaxe a música en Sober; xa habia festa para o Viño de Amandi e a Rosca e criase necesaria unha festa para a Música, outra para os Augardenteiros e outra para a Oleria de Gundivós. Todo elo significaria que "os 5 embaixadores da nosa tribu", terian a sua merecida xornada de homenaxe anual.



Lembrarei que todo estaba previsto para facer entre Xullo e Agosto un encontro de 3 ou 4 días chamado XORNADAS "en torno" a GUNDIVOS, con conferencias, unha fornada popular, exposicións de olerias tradicionais do mundo (cada ano intentariase a presenza dun destacado oleiro dun pais do mundo con caracteristicas próximas a Gundivos), xa se sabia de xente en Portugal, Italia, Marrocos, Asturias, Baleares, Castela, ... Todo remataria cunha feira-mostra de oleria no chan da praza de Sober. Ésto algun día será unha realidade o mesmo que unha festa de exaltación da figura do AUGARDENTEIRO.



Pero o que íamos: "Os Encontros Musicais na Ribeira Sacra", deberian de servir para facer ver que Sober é a capital músical do que hoxe se coñece por "Ribeira Sacra"; verdadeiramente Sober é esa capital sen dubida algunha, pero a festa ou encontro está hoxe pensada xa doutro modo.



Éste ano actuará o venres día 24 a partir das 9 e media da noite na praza do toural un quinteto de vento moi interesante "SHOW PIE BRASS QUINTET ". Verdadeiramente o concerto musicalmente vale a pena.



A actividade está patrocinada pola Consellería de Cultura e Deporte e o Concello de Sober , é esta enmarcada nos Circuitos Culturais no ciclo "de rúa".



20/8/07

DOADE RECUPEROU A SUAS FESTAS DESPOIS DE DUAS DECADAS




A parroquia de San Martiño de Doade celebrou con éxito as suas festas de verán na honra da Virxe despois de duas decadas sen celebración. Fai anops que na parroquia se festexa unha festa veciñal polo San Martiño (paton parroquial), pero as festas de veran xa non se lembraban.


O certo é que no presente ano os veciños prepararon un programa completo que deu comenzo o venres 17 cunha queimada e pancetada gratuitas e musica co D.J. RHYKO, xa o sábado e domingo amáis das actividades relixiosas (misas e procesións), houbo actividades culturais e deportivas (exposición de fotos, futbol, ...) e como non bailes de tarde e noite; o sábado coa orquestra ANAGRAMA e o domingo con SUPER T.


Para recadar fondos para a festa os organizadores amais de pedir os veciños da parroquia fixeron rifas co sorteo dunha viaxe a escoller (Mallorca ou Tenerife).


Debido o éxito dos festexos os organizadores pensan facer festa en anos vindeiros.




Nota.- As fotos desta noticia foron sacadas da paxina web da parroquia http://www.doade.net/

10/8/07

O 18 DE AGOSTO FESTIVAL DO CASTRO EN FERREIRA


No Castro de Ferreira, capital do veciño concello de Pantón, celebrarase o vindeiro 18 de Agosto o tradicional "Festival do Castro". Un festival folk que naceu na decada dos 70 e que tivo anos de silencio. Hoxendía esta completamente consolidado.

A programación completa xunto co outros datos podemos atopala en:



9/8/07

A FEIRA DA ROSCA CHEGA A SUA XII EDICIÓN




A Feira da rosca de Sober, chega este ano a súa XII edición. Éste festexo gastronómico que poucoa pouco se foi consolidando celébrase sempre coincidindo coa primeira xornada de feira mensual do mes de Agosto (día 12) e naceu con dous obxetivos. Un foi o de recuperar ese producto propio das terras de Sober que estaba caseque desaparecido, xa que soio podian disfrutar del os veciños de Sober e familiares polas festas parroquiais e en segundo termo aproveitar unha xornada feiral de moitos visitantes para dar a coñecer ese elemento gastronómico soberino.




O programa previsto para o presente ano conta con tres actividades novidosas con respeto a anos anteriores: unha actuación de baile moderno, un grupo de contacontos e unha concentración de SEAT 600.




O prograda detallado é o seguinte:




DOMINGO 12 de AGOSTO




10.00: BOMBAS DE PALENQUE
10.15: APERTURA DE STANDS E ACTUACION CHARANGA
11.00: CONCENTRACION DE COCHES SEAT 600 CON PERCORRIDO POLO CONCELLO
11.45: ACTUACION DE MEDIA-PUNTA, GRUPO DE BAILE MODERNO
12.30: DEGUSTACION POPULAR DA ROSCA
13.00: CONTACONTOS “CANTA E CONTA”



Coa organización colaboran a Consellería de Cultura e Deporte, Queixos PRADO de Monforte e Clube 600 de Arcade a traves de Berto Pérez veciño de Sober e membro do citado club.

8/8/07

LOBIOS FESTEXA A RAIÑA DOS ANXOS










A parroquia de San Xulian de Lobios fai semanas que ten ultimado o seu programa de festas na honra de Raiña dos Anxos.
Como é habitual os festexos fanse no entorno da fermosa capela que se adica a virxe. É precisamente ali onde se desenvolven todolos actos relixiosos, destacando a procesión onde se pasea a imaxe da santa nun carro que foi restaurado fai uns anos.
O programa festeiro é o seguinte:

Venres día 10: sardiñada, pancetada, sopas de allo e queimada ás 10 da noite.
Sábado 11: Misa e procesión a 1 do mediodía, sesión vermú e baile de tarde e noite coa orquestra KAPRICHO. Sesión de fogos ás 12 da noite.
Domingo 12: Misa e procesión a 1 do mediodía , sesión vermú e baile polo serán e a noite coas orquestras MIEL e NOVO ESTILO.
Ainda que os festexos rematan o día 12 esta previsto que o día 13 se celebre unha misa polos difuntos da parroquia.

FESTIVAL "PONTE LOUCO" NO CASTELO DE CASTRO CALDELAS




A veciña localidade de Castro Caldelas ten programado o festival "Ponte Locuco" para o vindeiro 18 de no castelo.




Programa:


A partir das 12:00 Feira de artesanía (ese día hai tamén a feira quincenal no pobo)




A partir das 17:00 Xogos para nenos, mago-malabar Xacobe. Teatro: Trécola Teatro presentanos Nola e Albe




A partir das 21:30 Charanga Os Veraneantes




Concerto (22:30):Os tres trebóns e o Vendaval do rosal, Fabulosos Cubatas e Fuckink brothers, Cuchufellos e Banda Potenkin




O Ponte Louco é un festival que se autofinancia, senon mercades a camiseta, consumides no bar... non se lles pode pagar os artistas.


Temos que asistir todolos veciños da comarca.


Animadevos.




+ info en pontelouco.blogspot.com

2/8/07

NOVA SECRETARIA MUNICIPAL

Tras cáse tres decadas adicadas a secretaria do concello de Sober, Santiago Armesto Losada que compartía esta secretaria municiapl coa de O Saviñao, xuvilouse.
A princios deste mes de Agosto tomou posesión unha nova secretaria.
A nova funcionaria municipal soberina estrena cargo xa que é Sober o seu primeiro destino. Marta Barreiro Castro é natural do concello lugues de Pol.
Desexamoslle o mellor na nosa tribu. Estamos seguros de que estará contenta, xa que toma posesión da secretaria do paraiso terreal.

1/8/07

NEIRAS FESTEXA O DIVINO SALVADOR ENTRE O 4 E 6 DE AGOSTO

A parroquia de San Salvador de Neiras honrará a seu patron os días 4, 5 e 6 dest mes de Agosto.
Como dixemos con Gundivós, Neiras é das poucas parroquias que manten como festa maior a do patron parroquial. A maioria das parroquias soberinas fan a sua festa principal e case sempre única adicada a un santo ou santa que non é o titular da parroquia.
O que si fixo Neiras foi facer coincidir os festexos co primeiro fin de seman de Agosto ainda que non coincidise coa xornada principal do calendario, este ano a festa prolongase ata o luns día propio da transfiguración de El Señor ou Divino Salvador.
O programa de actos previsto par os festexos é o seguinte:
Sábado 4; Misa e procesión a medio día e baile de tarde e noite con orquestra ARABIA.
Domingo 5; Misa e procesión igual que o día anterior e baile pola tarde que continuará con verbena coa orquestra DELIRIO.
Luns 6; Pancetada popular ás 9 da noite e baile co DUO CAMELIA.
Haberá como é habitual fogos artificiais e varias familias desprazaranse para facer comidas campestres no campo da festa e no entorno do rio, un dos lugares máis fesmosos de concello para unha celebración campestre. Esta tradición perdeu moito nos últimos anos, pero foi durante decadas unha das festas de merendas máis concurridas da comarca.